نحنا مشينا الخطوة الاولي

اول بداية معرفتي بالمدونات كانت عن طريق مدونة يوميات مثلي من الاردن ومدونة انت تفضل القهوة وانا اشرب الشاي ،كنت بحس من خلال كتاباتهم انهم مش بعبرو عن انفسهم وبس لا ، بل عن كل المثليين. ,وغير كدة كانو بالنسبة لي بمثابة حافز عشان نحنا نخطي خطوة في الاتجاه الصحيح ، نحنا ما عايزين الناس تكون مثلية مثلنا لكن عاوزينهم يعترفا بوجودنا وحقنا في انو نعيش حياتنا بالشكل اللي اختاره لينا ربنا وما كان بيدنا ولا مزاجنا
يمكن تكون البداية صعبة شوية الواحد ما عارف يبدا حكايته من وين شكلها حتكون جوطة مرة حكاية قديمة ومرة يوميات، وبعدين في حاجة احتمال تكون مزعجة ليكم شوية انا حاكتب بالدارجة السودانية و ما شكلي حاقدر اتقيد بالفصحي يمكن عشان اقدر اقول كل الجواي بارتياح.